Hello~大地之友們～好耐無同大家更新法羅嘅資訊啦～由於武漢肺炎嘅關係，我知道好多大地之友無奈取消左法羅嘅行程😣到目前為止，喺法羅染病嘅人數總共有184個，其中166人已經康復，暫時無人需要住院同無死亡個案，而過去一星期都無新增個案👏🏻👏🏻👏🏻不過大部分人仍然在家工作，學校亦繼續停課，而餐廳同大部分商店仍然暫停營業，大家都未敢鬆懈。
行程取消一定好掃興同失望，不過法羅群島嘅旅遊局剛剛推出左個新玩意！等大家可以望梅止渴。佢地諗左一個叫 Remote Tourism（遙控旅遊） 嘅 idea 。大家輕鬆在家，就可以透過佢地設置嘅網站，控制安排喺景點嘅法羅人，向前向後，行左行右，甚至跳高😂 法羅人會喺頭上設置一部攝錄機，大家就好似打機玩super mario咁，有一分鐘嘅機會控制法羅人，甚至直升機嘅機師，然後透過攝錄機，欣賞法羅嘅美景😊
大家係咪都想試下呢，黎緊今晚香港時間晚上9點，同凌晨12點都會有1個鐘嘅session 畀大家試玩！有興趣嘅大地之友去呢個網站啦：
https://www.remote-tourism.com/
Search